第八天, 這天既行程主要都係遊神社, 第一個目標係比較遠既天龍寺, 乘JR 到嵯峨嵐山站, 再步行一陣就到, 如果乘京福鐵道的的輕型電車到嵐山站是應該比較近, 但反正我有Pass, 當然儘量用.
雖然不是賞花季節來, 但天龍寺內既花園都幾靚, 同埋那時幾乎無什麼遊客, 可以享受寧靜的環境, 慢慢地遊. 途中看見幾個中學生來到, 另有一個大人在旁邊講解, 我估係教師在做課外活動掛.
到底佢係度做緊乜呢 ... ?
遊完再經竹林之道慢步到嵐山公園. 
記得走到渡月橋附近, 遊人開始比較多, 寧靜消失了 … 只聽到大聲的普通話對話 … 快步閃人 …
回去乘車前, 看見有檔湯豆腐賣, 又唔係太貴, 就在這檔試試.
原本想試乘京福鐵道的輕型電車回去, 但唔係太清楚怎樣轉回JR, 所以放棄了.
下一站是伏見稲荷大社, 原想遊完再到東福寺的, 但估不到遊伏見稲荷花了很多時間, 東福寺要留待下次了.
時間已經是下午, 唔知係咪已經到放學時間, 又見到有中學生到神社, 咁鬼神心既 ^^? 回想起來, 在清水寺也有.
很得意的繪馬~
遊到某處, 見到有個類似台既地方無乜人, 過去望望, 影了點相, 就到另一邊遊了, 但無幾耐, 聽到那邊有聲(類似音樂), 就回去望望, 原來剛開始神樂, 我係第一次看神樂的, 就在那個台上, 巫女拿著神器, 類似鈴的物體, 在動畫中既巫女常常拿著, 實際就第一次見了 ^^ 細心望望台既一邊告示牌, 係寫住唔比影相的, 我估應該只係在神樂期間唔比影, 當然我也無影, 台前仲有」食蕉」 看守, 唔比人影相, 眼見就好幾個人想影都被勸阻了.
神樂就是在這個台了~
到伏見稲荷大社, 想必一定會看到千本鳥居, 排到密密既鳥居把陽光也遮了, 真的厲害 … 沿鳥居而行會慢慢行上山, 見其他人也會一路行上去, 就照行, 那時我係唔知要行幾耐的, 在中途看見一對老夫婦, 丈夫行動不太好, 要婦人扶著但都希望行上去, 真的很佩服, 行到開始有點倦, 途中會經過一間茶店, 我前面有人問個老闆, 我起初唔知佢問乜, 但個老闆話」一半」, 立刻明了但幾驚訝, 因行了咁耐也只是上到一半 … 我當時都考慮過回程, 但心諗反正都行了一半, 就行埋佢. 上到山頂, 拜拜完在附近看見有個金屬既籤桶, 都幾重手的, 求完籤可以看旁邊金屬既籤文牌. 行完落山時就想起」上山容易, 落山難」, 因為隻腳真係有少少痛(膝蓋位). 在途中又見到那對老夫婦, 正在回程, 唔知佢地上到幾遠, 但真係唔好勉強 … 同埋時間也唔早了.
途中回望一影~
到山頂~
車站便當~ 味道都唔錯的~ 旁邊的午後的紅茶亦幾好飲, 味道很香~
