第七天, 今天到京都一遊, 第一個景點係最熱門既清水寺, 乘新幹線到京都站後再乘巴士到五條阪站下車, 再徒步行到清水寺, 相信很多人都好熟識. 我大約應該10 點半左右去到, 這種時節, 這個時間遊人不算太多, 就直接遊完清水寺先再回到清水阪行商店.

<<相簿>>

在清水寺上既景觀很靚, 當然有紅葉睇既時間應該會更靚啦. 難得來到, 就託人幫我影張相, 到此一遊啦.

買過少少護身符後, 遊埋地主神社後, 就開始離開了. 

 那時未係好多人的

可能在上面閒了太耐, 遊客開始多了, 原本下面有個叫音羽の滝比人飲水的(上網睇叫黃金水), 我在上面睇時唔係太多人的, 到我落到下面就已經排曬長龍 … 我也打消了一試既念頭.

來到這裡時, 已排長龍了

都唔知開店未 ... 無人的 ... 

離開前見到兩位藝妓打扮既女仕, 另有一位攝影師, 打擾了她們一下, 合照一張. 遊完清水, 就順路到高台及八阪神社參觀. 在八阪神社買野時, 見到有御神酒賣, 好奇之下就買回來試試, 過年時行大運後帶到朋友家中分享, 幾香, 味道少少甜, 無其他酒既苦味, 以唔好酒既我來講, 都頗喜歡. 八阪其實仲有破魔矢的, 但太大件, 拿不回來, 所以放棄. 以我所見, 日本人也都很喜歡買神社中的護守. 很多時賣護守既店都擠滿人.

在到高台寺前回望一影

有得玩轉輪~

到八阪神社了

很多人買護守, 求籤, 御神酒就是在這裡買的

左上角的就是御神酒

行完神社, 本想行下祇園附近的, 但行出八阪神社後就開始下雨, 都照行啦, 但閒逛了一陣, 看似也不會停雨, 就回京都站商場入面逛算了. 回新大阪後, 貪得意在便利店買杯烏冬及湯試下, 偏咸了點, 但味道都唔錯.