第六天, 今天出發到關西, 由東京到關西, 我選了坐新幹線, 當然買埋JR Pass, 來回關東關西, 去埋和歌山, 都算不錯了. 全國JR Pass (七天) 我在香港買機票既旅行社買埋, 到成田空港後就立刻換證了, 但到了這天才開始生效, 到走那天剛好去埋機場. 在網上睇到有Pass 係可以book 埋位的, 所以在這天前在東京站去票務處book 位, 雖然估計在東京站既職員既英文應該無問題, 但安全起見都寫低曬資料, 去到比佢睇住來book, 一次過book 曬由東京到新大阪, 新大阪到和歌山, 及和歌山回成田機場既票, 都有五程 (東京站職員既英文係幾好的, 日文唔太好都可以放心, 而且都好熟手, book曬五程都好快搞掂)

<相簿>>

一早起身check out, 就出發到東京站轉乘新幹線, 首要目的地係新大阪, 因選了酒店在這裡, 新大阪雖離大阪不太遠, 但都要坐車去的, 要遊大阪的話, 相信一般人是比較少住這裡的, 但我今次主要遊京都同方便之後去和歌山, 所以決定住新大阪, 酒店係離新大阪幾分鍾路程, 名叫Step Inn 既商務酒店, 房間細但清潔整齊, 同之前東京那間係兩個世界

以日本酒店來講, 張床都算唔細了, 仲有 LAN線上網, 唔錯的酒店

話說在到達新大阪後, 我花了一段時間才找到step inn, 其實原本真的幾近火車站的, 但我都係搞錯了方向, 記得係在東口出, 但原本應該再向北行, 但我走了向南, 行了10 分鍾左右, 覺得奇怪, 無理由咁遠, 帶住d 行李亂行都唔係辦法, 見到個阿姐就試下問問, 我比了酒店個booking email 佢睇, 雖然佢都唔清楚間酒店係邊, 但就知應該唔係這個方向, 就親自帶我回火車站再指示我方向, 佢原本係應該向南行似係要回家的, 但都親自帶路, 都有5-10 分鍾路程才回到車站的, 真係好好人.

到酒店後, 時間都差不多1:30 至2:00了, 在大阪我預計都係遊半日而已, 因未到check in 時間, 就放低d 行李在酒店就再出發了. 在大阪我主要都係想去Den Den Town 行(同秋葉原同類 ^^) 乘火車到大阪再轉地鐵到難波, 地鐵站會比JR 站近景點一些. 到了難波, 一出地鐵就已經到道頓崛, 見到大大隻蟹, 所以就先行一行, 見到間赤鬼燒章魚丸, 都有唔少人買來食, 就去試下, 推銷員比了個menu 我睇, 問我要邊隻味, 其實我都唔知係什麼口味來的, 是但叫一樣, 叫了一碟六個, 熱辣辣, 真係幾好味,有機會再去試埋其他味先得. 食完再繼續行. 行到金龍拉麵附近, 原本想試下的, 但剛食完六個燒章魚丸, 未必食得曬個拉麵, 就無試了. 

之後向Den Den Town 方向進發, 又見到sega 既分店, 當然又入去玩下, 睇下人玩,自己又玩了幾次, 一個都夾唔到 留左一段時間, 就再行向den den town. 到den den town 前, 睇旅遊書提到有間e-maid 既女僕café, 就入去試下. 叫了個咖哩飯食, 在等既期間, 見到d 女僕有時會同客人傾返兩句, 我諗可能係熟客掛. 有樣幾得意既係在檯面係有個鈴鈴, 你想女僕過來的話可以搖一下, 佢地就會過來. (同埋係唔比影相的, 其他係咪我就唔知, 起碼呢間係) 吃飽後就在den den town 附近行, 再掃動漫野. 同秋葉原差不多, 在街上都有唔少女僕在派傳單, 在附近似乎都有少唔café. 入夜後, 見到有間小食店, 老闆在擋口前即炒即煎, 當然又試下, 二百幾yen有蛋, 章魚, 菜, etc. 總之就係好味.