到了第四天, 我係計劃住去秋葉原的, 但多了一個人一齊去, 話說在酒店那間多人房中, 剛巧有個在澳洲留學中既香港男仔, 佢正在放暑假, 所以到日本探望朋友(因為佢在日本做過exchange student), 及後再回港過新年, 所以就約埋一齊去秋葉原行, 佢比較喜歡kubrick 公仔同音樂CD, 我就比較喜歡動漫, 剛好秋葉原兩樣都有, 午餐就找了間咖哩店食, 日本咖哩真係好好食, 之後既行程都會再食咖哩飯 行完秋葉原就跟佢去行原宿同shibuya(渋谷), 佢帶了我去一些旅遊書唔會講既衫舖同中古舖, 雖然我平時少去衫舖, 但有人帶路, 就見識一下, 最後佢買了個5000 yen 既福袋, 回酒店後打開真係有唔少正野, 由頭到腳既衫都有, 以佢所講, 福袋入面既野既價值, 一定多過5000 yen, 好有抽獎既感覺, 真係有唔0岩既, 可以送比人啦, 但以我所見, d 衫都唔錯的, 下次有機會我都想試下。

 在秋葉原某舖有得印公仔幣, 印了一個玩下

 行完後, 我要回conference 場地, 因為conference會有一餐晚宴(可以省返一餐 ), 真係有d 好彩, 在回到酒店後立刻過去, 剛好來到不久就開車, 真係再遲幾分鍾就趕唔切 … 晚宴場地好靚, 似係幾高級(貴)既餐廳, 在晚宴前, 我們(conference 既人)在花園遊了一會, 花園在晚上既燈光下真係幾優美, 但無腳架好難影得靚, 就儘量亂影了一些。晚宴既食物就奇怪地不是日本傳統食物, 而係西式的, 雖然都好食, 但份量就少了一點 。

到了第五天, 係這次行程在東京既最後一天, 朝早都係要去conference, 所以下午才有時間, 但這半天都係再去秋葉原, 昨天大概行了一轉, 今天才可以重點去買, 因為得一個人同個行李箱細, 所以只可以選一些重點來入, 同埋算係可以多留一點彈藥比之後既行程 ^^」 回到酒店整理好行李後, 都儘量早點睡, 因第六天就要早起身坐新幹線去大阪了。