東京1月13日, 今日conference 仲未正式開始, 有充份的時間, 所以就去最想去既地方, らき☆すた既聖地巡禮之一 << 鷲宮神社 >>, 這個神社位於埼玉県北葛飾郡鷲宮町, 在らき☆すた設定中係柊家姊妹家工作既神社, 柊家姊妹間中會在這個神社幫手。 聖地都有幾多, 但比較想去既都只有神社, 所以其他既聖地就留待有機會先再去了

在鷲宮站就有指示神社方向, 好週到的 ^^

講返鷲宮神社, 離神保町比較遠, 要轉兩次車, 大概共17-18 個站, 到達鷲宮駅, 再步行10分鍾左右才能到達, 去既時候人唔係太多, 有機會望下司機位, 感受下電車GO!  

到達鷲宮駅後, 感覺這個真是一個很平靜的小鎮, 在這裡慢步其實都幾舒服的, 一邊行一邊影下相, 跟住行到宮前橋, 在動畫出現過, 立刻拿相機出來影下相, 怎知無電 … 但我記得這是剛充好的 … 真奇怪 … 又無帶其他電來 …無法, 唯有繼續去 … 來到神社前, 但心諗入到去都影唔到相, 就唔入去住, 在附近走走睇睇可唔可以買到電池, 在附近有間似雜貨舖既店開左門, 就入去試試, 但入到去唔見有人看舖, 猶疑了一陣, 就試試用」すみません…」, 果然有人出來, 覺得真係好似d 動畫或日劇咁 ^^」 , 雖然想問有冇電池賣, 但真係唔識講, 所以只可以拿相機d 電池出來, 佢一睇就明我想問乜, 也知我唔識日文, 但佢無電池賣, 就出門口指比我睇邊度有得買, 態度係好親切的, 真係可以感到佢地既好客, 當然最後都買到電池, 之後再回神社參觀 : )

(就係在這裡舖問電池的,很近神社的)

入到神社, 感到來得唔太合時, 新年既活動似乎剛剛結束, 神社前既茶屋也沒有開, 入唔到參觀真係幾可惜, 同埋人也很少, 雖然係可以輕輕鬆鬆地慢慢遊 … 神社最得意既應該係d 繪馬, 真係好得意, 日本人既畫工真係好勁, 好多都畫得好靚, 願望又搞鬼 … 真係有人想要泉嫁比佢, 有d 就去了4x 次 … 太厲害了吧 …

行完神社, 就在附近既街道走走, 果然係無乜關係既舖門口都貼左lucky star 既poster, 有d 就賣lucky star 既飯盒, 但我就無買來試啦 … 因條街基本上無乜人, 得我係度行, 我有點懷疑個飯盒放了幾耐 …雖然少行人, 但奇怪地多車 … 過馬路都要等一陣先得 … 最後就走回宮橋前影返d 相, 就離開了 : )

下一站係中野, 因為上網睇到d人話除了秋葉原多動漫野外, 就係中野了, 所以想來睇睇, 去中野的話, 到新宿再轉車, 一個站就到了, 中野主要就係到broadway 商場, 都真係幾似香港信和, 但比較大, 幾好行, 就在這裡買了一些玩具, 同埋附近既店舖都似乎比較平, 一般既shopping 都可以考慮來這裡望望。